Вязнi | Salidarnast.info

Вязьнi

Нашы браты і сёстры, якія былі зняволеныя рэжымам за свае перакананні

Рабочы Рух

Ганна Аблаб

Інжынер Цэнтра кіравання перавозкамі Беларускай чыгункі ў аддзеле распрацоўкі раскладу руху цягнікоў. Затрыманая аператыўнікамі КДБ 20 верасня 2021 года пасля ператрусу ў яе дома і змешчана ў СІЗА КДБ. Абвінавачвалася па ч.1 арт.356 Крымінальнага кодэкса Рэспублікі Беларусь. Асуджана на 11 гадоў калоніі. У яе двое непаўналетніх дзяцей.

Месца ўтрымання палiтвязня:

ВК №4

246035, г. Гомель, вул. Антошкіна, 3.

СПБ

Максім Зайцаў

Максім Вячаслававіч Зайцаў працаваў загадчыкам аддзялення Брэсцкага абласнога наркадыспансэру.

14 лютага 2023 года ў Брэсцкім раённым судзе яго асудзілі да двух гадоў калоніі агульнага рэжыму. Таксама ён мусіць выплаціць штраф ў памеры 100 базавых велічынь.

Суддзя Сяргей Маручак прызнаў Максіма Зайцава вінаватым паводле ч. 1 арт. 368 і арт. 369 Крымінальнага кодэксу. Бок дзяржабвінавачання падтрымала пракурорка Наталля Шастачук.

Крымінальная справа разглядалася з трэцяга лютага. Да судовага пасяджэння Зайцаў быў пад вартай 2,5 месяцы. Вядома, што ў мужчыны ёсць трохгадовае дзіцё.

З СІЗА № 7 Максіма перавялі ў ПК № 15.

Унесены МУС у "спіс экстрэмістаў".

Месца ўтрымання палiтвязня:

ПК № 15. 213105, г. Магілёў, п/а Вейна, Слаўгарадская шаша, 183

СПБ

Артур Хлус

Артур Хлус — фельчар гродзенскай брыгады хуткай дапамогі, студэнт Гродзенскага дзяржаўнага медыцынскага ўніверсітэту. Быў затрыманы напрыканцы кастрычніка 2022 года за рэгістрацыю ў плане "Перамога" і за ўдзел у пратэстах.

Артура абвінавачваюць паводле ч. 2 арт. 293 КК (удзел у масавых беспарадках).

19 траўня 2023 г. КДБ дадаў палітзняволенага ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

22 чэрвеня 2023 г. суд прызнаў Артура Хлуса вінаватым і пакараў пазбаўленнем волі тэрмінам на пяць гадоў у калоніі ва ўмовах узмоцненага рэжыму.

Месца ўтрымання палiтвязня:

ПК № 1. 211440, г. Наваполацк, вул. Тэхнічная, 8

РЭП

Вацлаў Арэшка

Актывіст прафсаюза РЭП, рэдактар прафсаюзнай газеты. Затрыманы 19 красавіка 2022 года пасля ператрусу ў кватэры. 5 студзеня 2023 г. быў вынесены прысуд - восем гадоў пазбаўлення волі. На момант вынясення прысуду актывiст знаходзiўся ў Магілёўскай турме № 4.

Месца ўтрымання палiтвязня:

ВК №17

213004, г. Шклоў, вул. 1-я Завадская, 8.

РЭП

Арцём Пархамовіч

Былы супрацоўнік «Белтэлекама», сябра прафсаюза РЭП Арцём Пархамовіч быў затрыманы ў кастрычніку 2020 года. Яго змясцілі ў СІЗА і абвінавацілі ў перадачы асабістых дадзеных міліцыянтаў у тэлеграм-канал.

25 лістапада 2021 года пачаўся суд, які праходзіў у закрытым рэжыме і на якім стала вядома, што Арцёма абвінавачваюць агулам па васьмі артыкулах Крымінальнага кодэкса: 130, 198, 203-1, 352, 364, 365, 366, 389 (саўдзел у наўмысных дзеяннях, накіраваных на распальванне іншай сацыяльнай варожасці і розні па глебе іншай сацыяльнай прыналежнасці, учыненыя групай асоб, і г.д.).

8 лютага 2022 года Мінгарсуд прысудзіў Арцёма да 11 гадоў калоніі ўзмоцненага рэжыму.

Месца ўтрымання палiтвязня:

ВК №17

213004, г. Шклоў, вул. 1-я Завадская, 8.

Рабочы Рух

Уладзiмiр Жураўка

Аператар цэха Аміяк-3 ААТ «Гродна Азот». Ён быў затрыманы 18 верасня 2021 года. Быў асуджаны ў межах крымінальнай справы аб «дзяржаўнай здрадзе» (арт. 356 Крымінальнага кодэкса) па справе «Рабочага Руху». Асуджаны на 15 гадоў пазбаўлення волі.

Месца ўтрымання палiтвязня:

ВК №2

213800, г. Бабруйск, вул. Сікорскага, 1.

СПМ

Святлана Саковiч

Святлана, сябра прафсаюза СПМ і былая супрацоўніца ліцейнага цэха МТЗ, была затрымана беларускімі сілавікамі ў жніўні 2022 года за ўдзел у акцыях пратэсту, якія праходзілі ў Беларусі ў 2020 годзе.
Жанчыну асудзілі 25 лістапада 2022 г. за злачынства, прадугледжанае арт. 342 КК (актыўны ўдзел у групавых дзеяннях, якія груба парушаюць грамадскі парадак). Суд прызнаў яе вінаватай і прызначыў ёй тры гады абмежавання волі без накіравання ў папраўчую ўстанову. Святлану вызвалілі ў зале суда.

Месца ўтрымання палiтвязня:

Абмежаванне волі без накіраваньня ў папраўчую ўстанову адкрытага тыпу («хатняя хімія»).

8c9c6d_bee66ac3d80448a091f8fec811680f49~mv2.jpg

СПМ

Арцём Жарнак

Былы інжынер Мінскага аўтамабільнага завода. У 2020 годзе быў звольнены за прафсаюзную дзейнасць. Кіраваў першаснай арганізацыяй Свабоднага прафсаюзу мэталістаў. Яго затрымалі 17 лістапада 2021 года.

Арцём узяты пад варту па абвінавачанні па ч. 3 арт. 293 і арт. 361 КК за падрыхтоўку ўдзельнікаў масавых беспарадкаў і заклік да ўжывання мер стрымання. У кастрычніку 2022 года яму прысудзілі чатыры гады пазбаўлення волі ў калоніі агульнага рэжыму.

Месца ўтрымання палiтвязня:

ВК №1

211445, вул. Тэхнічная-8, г. Наваполацк.

СПМ

Змiцер Варановiч

Зміцер, сябра прафаюза СПМ і былы работнік БелАЗ, быў прызнаны вінаватым у абразе Лукашэнкі і (ч. 1 арт. 368 КК) і двух міліцыянтаў (арт. 369 КК).
Мужчыну прысудзілі два з паловай гады пазбаўлення волі ў калоніі ва ўмовах агульнага рэжыму і штраф 100 базавых велічыняў. Судовае паседжанне праходзіла ў закрытым рэжыме па патрабаванні прадстаўніка пракуратуры.

Месца ўтрымання палiтвязня:

ВК №17

213004, г. Шклоў, вул. 1-я Завадская, 8.

СПМ

Вiталь Чычмароў

Былы інжынер. У 2020 годзе быў звольнены за прафсаюзную дзейнасць. Кіраваў першаснай арганізацыяй Свабоднага прафсаюзу мэталістаў.

Яго затрымалі 19 красавіка 2022 года, дома прайшоў ператрус. Віталю прад'явілі абвінавачанне, яго змясцілі ў СІЗА. У яго ёсць непаўналетняе дзіця. Віталь асуджаны на тры гады абмежавання волі з накіраваннем у хатні ізалятар.

Месца ўтрымання палiтвязня:

Абмежаванне волі без накіраваньня ў папраўчую ўстанову адкрытага тыпу («хатняя хімія»).

Рабочы Рух

Сяргей Дзюба

Актывіст Рабочага Руху, працаваў у Цэнтры кіравання перавозкамі Беларускай чыгункі цягніковым дыспетчарам. У лістападзе 2020 года ён далучыўся да агульнанацыянальнай забастоўкі.

Затрыманы аператыўнікамі КДБ 20 верасня 2021 года пасля ператрусу дома і змешчаны ў СІЗА КДБ. Выстаўлена абвінавачанне па ч.1 арт.356 Крымінальнага кодэкса Рэспублікі Беларусь. Асуджаны на 12 гадоў пазбаўлення волі. У яго трое непаўналетніх дзяцей.

Месца ўтрымання палiтвязня:

ВК №3

11300, Віцебская вобласць, Віцебскі раён, п. Віцьба.

РЭП

Генадзь Фядынiч

Былы старшыня Незалежнага прафсаюза работнікаў радыёэлектроннай прамысловасці – РЭП. Генадзь быў затрыманы 19 красавіка 2022 года і змешчаны ў СІЗА КДБ. Затым яму выставілі абвінавачанне і перавялі ў СІЗА-1. Па сукупнасці абвінавачванняў быў пакараны 9 гадамі пазбаўлення волі ва ўмовах узмоцненага рэжыму.

Месца ўтрымання палiтвязня:

ВК №2

213800, г. Бабруйск, вул. Сікорскага, 1.

Рабочы Рух

Аляксандр Гашнiкаў

Аляксандр быў затрыманы 18 верасня 2021 году. Ён утрымліваецца пад вартай у рамках расследавання крымінальнай справы аб «дзяржаўнай здрадзе» (арт. 356 КК) у дачыненні да некалькіх супрацоўнікаў беларускіх заводаў, якія падтрымлівалі мясцовыя страйкі пасля фальсіфікацыі жнівеньскіх выбараў. 2020 і ўваходзілі ў працоўную праваабарончую групу «Рабочы рух». Асуджаны на 14 гадоў пазбаўлення волі.

Месца ўтрымання палiтвязня:

ВК №1

211445, вул. Тэхнічная-8, г. Наваполацк.

РЭП

Паліна Шарэнда-Панасюк

Грамадская і прафсаюзная актывістка з Брэста. Паліну затрымалі 3 студзеня 2021 года і прад'явілі абвінавачанні па артыкуле 364 Крымінальнага кодэкса (Гвалт у дачыненні да супрацоўніка міліцыі) за тое, што нанесла драпіну аднаму з міліцыянтаў, якія прыйшлі да яе дадому. Пазней стала вядома, што яе таксама абвінавачваюць у абразе прэзідэнта (арт. 368 КК) і прадстаўніка ўлады (арт. 369 КК). Падчас зняволення Паліну некалькі разоў змяшчалі ў карцэр, яна скардзілася на псіхалагічны і фізічны ціск. У дачыненні да яе быў вынесены прысуд - два гады пазбаўлення волі ў калоніі ва ўмовах агульнага рэжыму.

15 кастрычніка 2024 года Рэчыцкі раённы суд прыгаварыў палітвязню і прафсаюзную актывістку Паліну Шарэнду-Панасюк да яшчэ аднаго года і аднаго дня пазбаўлення волі ў калоніі агульнага рэжыму. Гэтае рашэнне было вынесенае ў дадатак да амаль чатырох гадоў, якія яна ўжо адбыла.

Месца ўтрымання палiтвязня:

ІЧУ АУС Рэчыцкага райвыканкама. 247483, Гомельская вобл., г. Рэчыца, вул. Савецкая, 35

РЭП

Галiна Смiрнова

Галіна Смірнова, якая раней узначальвала Бабруйскую рэгіянальную арганізацыю Беларускага прафсаюза работнікаў радыёэлектроннай прамысловасці (РЭП), была затрымана ў Бабруйску 24 сакавіка 2023 года. Жанчына была змешчаная ў ІЧУ. У дачыненні Галіны распачата крымінальная справа па артыкуле 108 КПК (Затрыманне па непасрэдна ўзніклым падазрэнні ў здзяйсненні злачынства) і арт. 342 КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). Суд прызнаў Галіну вінаватай і прысудзіў ёй два гады абмежаваньня волі без накіраваньня ў папраўчую ўстанову.

Месца ўтрымання палiтвязня:

Абмежаванне волі без накіраваньня ў папраўчую ўстанову адкрытага тыпу («хатняя хімія»).

БКДП

Аляксандр Ярашук

Выконваючы абавязкі члена Адміністрацыйнага савета МАП; віцэ-прэзідэнт Міжнароднай канфедэрацыі прафсаюзаў; Старшыня Беларускага кангрэсу дэмакратычных прафсаюзаў. 19 красавіка 2022 года ў яго офісе і дома прайшлі ператрусы, канфіскавана абсталяванне. Быў затрыманы і змешчаны ў СІЗА. Абвінавачаны па некалькіх артыкулах Крымінальнага кодэкса Рэспублікі Беларусь (342 ч.1 і 361 ч.3). Асуджаны Мінскім гарадскім судом на 4 гады пазбаўлення волі ў калоніі.

Месца ўтрымання палiтвязня:

Турма №4

212011 г.Магілёў, вул.Крупскай 99а.

СПБ

Алясндр Кандрацюк

5 верасьня быў затрыманы сябра СПБ, малодшы навуковы супрацоўнік Інстытуту генэтыкі і цыталёгіі НАН Беларусі Аляксандар Кандрацюк, якога абвінавацілі адразу па трох артыкулах Крымінальнага кодэксу: артыкул 130 ч.1 – падбухторваньне да сацыяльная варожасць, артыкул 368 і частка 1 артыкула 369 – публічная абраза прэзідэнта і дыскрэдытацыя Рэспублікі Беларусь за каментары ў сацыяльных сетках. Суд прызнаў Аляксандра вінаватым і прысудзіў яму тры з паловай гады пазбаўлення волі.

Месца ўтрымання палiтвязня:

ВК №17

213004, г. Шклоў, вул. 1-я Завадская, 8.

СПМ

Ганна Карнеенка

Ганна, былы бухгалтар Мінскага электратэхнічнага завода імя Вавілава і сябра прафсаюза СПМ, была звольнена пасля "Народнага ўльтыматума" ў 2020 годзе і судзілася з прадпрыемствам па факце незаконнага звальнення. Нядаўна стала вядома, што на яе заведзена крымінальная справа.
Жанчыне прад'яўлены абвінавачанні па арт. 203-1 ч. 3 (незаконныя дзеянні ў адносінах да інфармацыі аб прыватным жыцці і асабістых дадзеных), арт. 130 ч. 3 (распальванне расавай, нацыянальнай, рэлігійнай ці іншай сацыяльнай варожасці). Суд прызнаў Ганну вінаватай і прысудзіў ёй пяць гадоў пазбаўлення волі.

Месца ўтрымання палiтвязня:

ВК №4

246035, г. Гомель, вул. Антошкіна, 3.

Рабочы Рух

Аляксандр Капшуль

Юрысконсульт на заводах ААТ «Нафтан» і «Палімір». Капшуль быў затрыманы 25 верасня 2021 года ў Расіі. Яго перадалі супрацоўнікам КДБ Беларусі, якія таемна даставілі яго ў Менск у абыход фармальнай працэдуры экстрадыцыі. Ён утрымліваецца пад вартай у рамках расследавання крымінальнай справы аб «дзяржаўнай здрадзе» (арт. 356 КК) у дачыненні да некалькіх супрацоўнікаў беларускіх заводаў, якія падтрымлівалі мясцовыя страйкі пасля фальсіфікаваных выбараў у жніўні 2020 года і ўваходзілі ў «Рабочы Рух». Асуджаны на 15 гадоў пазбаўлення волі.

10 красавіка 2024 г., у Бабруйску адбыўся суд па справе аб замене палітвязню рэжыму ўтрымання. Па рашэнні суддзі Паўла Карцініна, Аляксандра перавялі на турэмны рэжым.

Месца ўтрымання палiтвязня:

Турма №4

212011 г.Магілёў, вул.Крупскай 99а.

БНП

Андрэй Ханевiч

Старшыня Беларускага Незалежнага Прафсаюза ААТ «Гродна Азот». Пасля таго, як рашэннем суда прафсаюзная арганізацыя была прызнаная экстрэмісцкай групоўкай, рушылі ўслед крымінальныя справы ў дачыненні да старшыні. 16 лістапада 2022 года Ханевіча судзілі па абвінавачанні ў пасобніцтве ў экстрэмісцкай дзейнасці і прысудзілі да пяці гадоў пазбаўлення волі. Андрэй зьбіраецца зьвяртацца ў Вярхоўны суд.

Месца ўтрымання палiтвязня:

ВК №1

211445, вул. Тэхнічная-8, г. Наваполацк.

БНП

Вольга Брыцiкава

Вольга, былая старшыня пярвічнай прафсаюзнай арганізацыі Беларускага незалежнага прафсаюза (БНП) на ААТ «Нафтан», была зноў затрыманая 11 жніўня АМАПам.

Справа супраць Брыцікавай пачалася ў сакавіку 2024 года. 8 красавіка Віцебскі абласны суд прыгаварыў яе да 3 гадоў калоніі па абвінавачанні ў распальванні варожасці (артыкул 130 КК). Аднак 20 жніўня актывістку зноў пачалі судзіць, на гэты раз па артыкулах аб закліках да дзеянняў супраць нацбяспекі (частка 3 артыкула 361 КК) і садзейнічанні экстрэмісцкай дзейнасці (частка 1 артыкула 361-4 КК).
Суд праходзіў у закрытым рэжыме, і Вользе Брыцікавай дадалі тры гады калоніі да яе папярэдняга тэрміну.
У выніку актывістка атрымала канчатковы прысуд у выглядзе 6 год пазбаўлення волі.

Месца ўтрымання палiтвязня:

СIЗА №2

210026, вулiца Гагарына 2, Вiцебск.

СПБ

Аляксандр Мялежка

Член праўлення галіновай арганізацыі прафсаюза СПБ “Панацэя”. Супрацоўнік Рэспубліканскага навукова-практычнага цэнтра дзіцячай анкалогіі, гематалогіі і імуналогіі асуджаны на тры гады абмежавання волі з адбываннем пакарання, нібыта за ўдзел у двух несанкцыянаваных масавых мерапрыемствах у 2020 годзе.

Месца ўтрымання палiтвязня:

Абмежаванне волі без накіраваньня ў папраўчую ўстанову адкрытага тыпу («хатняя хімія»).

БНП

Алег Касіла

Алег Касіла, вядучы інжынер ААТ "Краснасельскбудматэрыялы", абвінавачваецца па двух артыкулах Крымінальнага кодэкса Беларусі - арт. 188 і арт. 341. Падсудны адмовіўся ад абароны адваката. Свае правы ў судзе ён адстойваў самастойна. Алег Касіла быў прыгавораны да 2 гадоў і 2 месяцаў абмежавання волі без накіравання ў калонію агульнага рэжыму.

Месца ўтрымання палiтвязня:

Абмежаванне волі без накіраваньня ў папраўчую ўстанову адкрытага тыпу («хатняя хімія»).

Нафтан

Iгар Мiнц

Юрысконсульт ААТ «Нафтан». Быў затрыманы і этапаваны ў СІЗА КДБ у Мінску на наступны дзень пасля ператрусу ў яго дома ў Наваполацку 22 верасня 2021 года.

Мінц быў абвінавачаны ў здрадзе дзяржаве (арт. 356 КК) па справе «Рабочага Руху». Асуджаны на 12 гадоў пазбаўлення волі.

Месца ўтрымання палiтвязня:

ВК №17

213004, г. Шклоў, вул. 1-я Завадская, 8.

МТЗ

Дзяніс Пучак

Дзяніс Пучак, былы супрацоўнік МТЗ, затрыманы 22 лістапада 2022 года. Яму прад'яўлена абвінавачанне па ч. 1 арт. 342 КК РБ (Актыўны ўдзел у групавых дзеяннях, якія груба парушаюць грамадскі парадак). Быў змешчаны ў СІЗА-1. Справа палітвязня разглядалася ў судзе Партызанскага раёна Менска. 28 лютага 2023 года суд прызнаў Дзяніса вінаватым і прыгаварыў да двух з паловай гадоў абмежавання волі без накіравання ў папраўчую ўстанову. Ён быў вызвалены з-пад варты ў зале суда.

Месца ўтрымання палiтвязня:

Абмежаванне волі без накіраваньня ў папраўчую ўстанову адкрытага тыпу («хатняя хімія»).

Рабочы Рух

Андрэй Пагерыла

Слесар-рамонтнік цэха Аміяк-3 ААТ «Гродна Азот». Быў затрыманы 17 верасня 2021 года. Утрымліваецца пад вартай у рамках расследавання крымінальнай справы аб «дзяржаўнай здрадзе» (арт. 356 Крымінальнага кодэкса) па справе «Рабочага Руху». Асуджаны на 14 гадоў пазбаўлення волі. У яго двое непаўналетніх дзяцей.

Месца ўтрымання палiтвязня:

ВК №2

213800, г. Бабруйск, вул. Сікорскага, 1.

РЭП

Алена Назарава

Алена - актывiстка прафсаюза РЭП.

Iнфармацыя будзе дапаўняцца...

РЭП

Мураўёў Аляксандр

Аляксандр, кiроўца таксi i актывiст прафсаюзу РЭП, быў затрыманы па справе ініцыятывы "Буслы ляцяць" 25 мая 2021 года.

Напрыканцы верасня 2022 г. суддзя Мінскага гарадсога суда Анастасія Папко абвесціла прысуды па справе ініцыятывы "Буслы ляцяць", прызначыўшы Аляксандру Мураўёву — 12 гадоў калоніі ўзмоцненага рэжыму паводле артыкулаў 361, 218, 361-1, 130, 290-4, 359 Крымiнальнага Кодексу.

Справу "Буслоў" разглядалі ў закрытым рэжыме некалькi месяцаў. З боку дзяржаўнага абвінавачвання па справе выступiа пракурорка Юлія Ланеўская.

У Аляксандра ёсць маленькае дзiця.

Месца ўтрымання палiтвязня:

Турма №4

212011 г.Магілёў, вул.Крупскай 99а.

Рабочы Рух

Сяргей Шэлест

Аператар цэха Аміяк-3 ААТ «Гродна Азот». Яго затрымалі ў межах расследавання крымінальнай справы аб «дзяржаўнай здрадзе» (арт. 356 Крымінальнага кодэкса) па справе «Рабочага Руху».

Асуджаны на 14 гадоў пазбаўлення волі.

Месца ўтрымання палiтвязня:

ВК №15

213105, г. Магілёў, п/о Вейна, Слаўгарадская шаша 183.

БНП

Максім Сенік

Максім з'яўляецца сябрам Беларускага незалежнага прафсаюза на "Гродна Азот". Ён быў затрыманы ў Гродне за ўдзел у акцыях пратэсту ў 2020 годзе і за рэпосты ў сацыяльных сетках.

Максiму прад'яўлены абвінавачанні па артыкуле 342 Крымінальнага кодэкса - Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх.

12 чэрвеня 2023 года Гродзенскі абласны суд прысудзiў яму чатыры гады

пазбаўлення волі ў калоніі ўзмоцненага рэжыму.

Месца ўтрымання палiтвязня:

Турма №1

230023, г. Гродна, вул. Кірава, 1.

Рабочы рух

Валянцiн Тераневiч

Памочнік майстра завода «Хімвалакно» ААТ «Гродна Азот» і намеснік старшыні Беларускага Незалежнага Прафсаюза «Гродна Азот».

Быў затрыманы 20 верасня 2021 года. Абвінавачваны ў «дзяржаўнай здрадзе» (арт. 356 КК) па справе «Рабочага Руху». Асуджаны на 12 гадоў пазбаўлення волі.

Месца ўтрымання палiтвязня:

ВК №1

211445, вул. Тэхнічная-8, г. Наваполацк.

Рабочы рух

Сяргей Шамецька

Сяргей, супрацоўнік ЗАТ "Атлант", з'яўляецца абвінавачаным па справе "Рабочага Руху".
Ён знаходзіўся пад крымінальным пераследам за дзяржаўную здраду (ч. 1 арт. 356 КК РБ), а таксама па ч. 3 арт. 361-1 КК РБ (удзел у экстрэмісцкім фармаванні). 9 лістапада 2022 года ў Гомельскім абласным судзе пачаўся разгляд справы "Рабочага Руху", па якой праходзілі дзесяць палітвязняў. 17 лютага 2023 года Гомельскі абласны суд вынес прысуд - 12 гадоў пазбаўлення волі ўзмоцненага рэжыму.

Месца ўтрымання палiтвязня:

ВК №22

225295 г.Івацэвічы, а/с 20.