Водпуск па догляду дзіцяці да трох гадоў - важнае права, аб якім многія бацькі ведаюць не ўсё. Хто можа яго атрымаць, на якіх умовах і што важна ўлічыць пры яго афармленні? Даведайцеся, як карыстацца гэтым правам і якія гарантыі працоўнага заканадаўства абароняць вас у гэты перыяд.
Парадак і ўмовы прадастаўлення такіх водпускаў урэгуляваны артыкулам 185 Працоўнага кодэкса.
Працуючым жанчынам незалежна ад працоўнага стажу па іх жаданні наймальнік абавязаны прадаставіць пасля заканчэння водпуску па цяжарнасці і родах водпуск па догляду дзіцяці да дасягнення ім узросту трох гадоў.
Такі водпуск прадастаўляецца па меркаванні сям'і працуючым бацьку або іншаму сваяку, члену сям'і дзіцяці ў выпадку, калі маці дзіцяці на тэрыторыі Рэспублікі Беларусь выйшла на работу (службу), вучобу (пры атрыманні прафесійна-тэхнічнай, сярэдняй спецыяльнай, вышэйшай або паслявузаўскай адукацыі ў дзённай форме) атрымання адукацыі, праходзіць падрыхтоўку ў клінічнай ардынатуры ў вочнай форме або з'яўляецца адвакатам, які ажыццяўляе адвакацкую дзейнасць індывідуальна, натарыусам, які ажыццяўляе натарыяльную дзейнасць у натарыяльным бюро, індывідуальным прадпрымальнікам, творчым работнікам, фізічнай асобай, якая ажыццяўляе рамесную дзейнасць, дзейнасць па аказанні паслуг у сферы аграэкатурызму.
У выпадку ўстанаўлення апекі над дзіцем водпуск па догляду дзіцяці да дасягнення ім узросту трох гадоў прадастаўляецца працуючаму апекуну.
Вышэй адзначаныя водпускі прадастаўляецца па пісьмовай заяве і могуць быць выкарыстаны поўнасцю або па частках любой працягласці. Яны перарываюцца ў выпадку прадастаўлення маці дзіцяці водпуску па цяжарнасці і родах і працягваецца пасля яго заканчэння. Водпуск па догляду дзіцяці да дасягнення ім узросту трох гадоў спыняецца з дня, наступнага за днём страты падстаў, па якіх гэты водпуск быў прадастаўлены. Пры наяўнасці ў сям'і дваіх і больш дзяцей ва ўзросце да трох гадоў такі водпуск прадастаўляецца адной асобе.
За час знаходжання ў водпуску па догляду дзіцяці да дасягнення ім узросту трох гадоў назначаецца і выплачваецца штомесячная дзяржаўная дапамога па дзяржаўнаму сацыяльнаму страхаванню ў парадку, устаноўленым заканадаўствам.
Па жаданні асоб, якія атрымалі водпуск па догляду дзіцяці да дасягнення ім узросту трох гадоў у перыяд знаходжання іх у такім водпуску яны могуць працаваць па асноўным (па іншай пасадзе служачага (прафесіі рабочага)) або іншым месцы працы на ўмовах няпоўнага працоўнага часу (не больш за паловы месячнай нормы працоўнага часу).
Водпуск па догляду дзіцяці да дасягнення ім узросту трох гадоў уключаецца ў стаж работы, а таксама ў стаж работы па спецыяльнасці, пасады служачага (прафесіі рабочага) у адпаведнасці з заканадаўствам. У стаж работы, які дае права на наступныя працоўныя водпускі, час водпуску па догляду дзіцяці да дасягнення ім узросту трох гадоў не залічваецца.
Згодна з артыкулам 186 Працоўнага кодэкса пры нараджэнні дзіцяці і выхаванні яго ў сям'і наймальнік абавязаны па жаданню бацькі (айчыма) дзіцяці прадаставіць яму водпуск без захавання заработнай платы працягласцю не больш як 14 каляндарных дзён. Іншая працягласць і (або) аплата водпуску пры нараджэнні дзіцяці могуць быць прадугледжаны калектыўным дагаворам, наймальнікам.
Адпачынак бацьку (айчыму) пры нараджэнні дзіцяці прадастаўляецца адначасова па яго пісьмовай заяве на працягу шасці месяцаў з даты нараджэння дзіцяці.
Вы можаце звярнуцца да нас за дапамогай. Калі ў Вас ёсць канкрэтная сітуацыя і вы не знайшлі тут адказу - вось спасылка на наш чат-бот, дзе вы атрымаеце індывідуальную кансультацыю.
Леанід СУДАЛЕНКА, юрыст Salidarnast e.V. з дваццацігадовым досведам у пытаннях абароны правоў працоўных Беларусі. Былы прававы інспектар дэмакратычнага прафсаюза РЭП, сябра праваабарончага цэнтру “Вясна”, лаўрэат міжнародных праваабарончых прэмій.
Read this text in рус
Comentários