Кожны месяц мільёны работнікаў атрымліваюць заробак, але ці задумваліся вы, што менавіта адлюстравана ў разліковым лістку? Гэта проста паперка ці інструмент абароны вашых інтарэсаў? Працадаўца абавязаны выдаваць разліковы лісток, але як менавіта, у якія тэрміны і якія падводныя камяні могуць хавацца ў гэтым працэсе?
Артыкулам 80 Працоўнага кодэкса прадугледжаны абавязак наймальніка выдаваць работніку разліковыя лісткі штомесяц.
У прыватнасці, наймальнік пры выплаце заработнай платы штомесяц абавязаны выдаваць кожнаму работніку разліковы лісток з указаннем у ім састаўных частак заработнай платы, належнай за адпаведны перыяд, памераў утрыманняў з заработнай платы, а таксама агульнай сумы заработнай платы, якая падлягае выплаце.
Пры гэтым форма разліковага лістка зацвярджаецца наймальнікам, а гэта значыць, можа быць рознай. Тым не менш, пералічаныя ў законе да разліковага лістка патрабаванні з'яўляюцца абавязковымі.
ВАЖНА: Права на атрыманне разліковага лістка мае кожны работнік незалежна ад віду заключанага з ім працоўнага дагавора, выкарыстання ў дачыненні да яго сістэмы платы працы і іншых фактараў.
Пры гэтым, заканадавец не ўстанавіў канкрэтных тэрмінаў да выдачы разліковых лісткоў у рамках месяца і не прадугледжаны абавязак наймальніка выдаваць іх напрыклад пад подпіс (напрыклад, не пазней за 5-е чысло кожнага месяца).
Сам факт пералічэння заработнай платы поўнасцю або часткова на рахунак у банку ў парадку, устаноўленым артыкулам 75 Працоўнага кодэкса не вызваляе наймальніка ад абавязку штомесяц выдаваць кожнаму работніку разліковыя лісткі.
Важна таксама памятаць, што атрыманне работнікам разліковых лісткоў з'яўляецца важным доказам у выпадку ўзнікнення магчымых працоўных спрэчак аб налічанай, але не выплачанай заработнай плаце.
Вы можете обратиться к нам за помощью. Если у Вас есть конкретная ситуация и вы не нашли здесь ответа — вот ссылка на наш чат-бот, где вы получите индивидуальную консультацию.
Леонид СУДАЛЕНКО, юрист Salidarnast e.V. с двадцатилетним опытом в вопросах защиты прав трудящихся Беларуси. Бывший правовой инспектор демократического профсоюза РЭП, член правозащитного центра «Вясна», лауреат международных правозащитных премий.
Read this text in рус
Comments