У рамках Дня дзеянняў за правы прафсаюзаў і дэмакратыю ў Беларусі, сусветны прафсаюзны рух выступае ў падтрымку беларускіх прафсаюзных лідараў, якія знаходзяцца ў зняволенні.
З Мадрыда прыйшоў ліст падтрымкі ад Прафсаюза рознарабочых Іспаніі (UGT) і яго сяброўскіх арганізацый. У лісце, адрасаваным Ураду Рэспублікі Беларусь, выказана глыбокае абурэнне масавымі арыштамі і затрыманнямі прафсаюзных лідараў у Беларусі за апошнія тры гады. Не засталіся ў баку і паўночнаамерыканскія сябры арганізацый IndustriALL Аб'яднаныя працоўных аўтамабілебудавання (UAW) і Аб'яднаныя сталявары (USW), якія перадалі ліст ад імя AFL-CIO.
- Смелае патрабаванне БКДП пакласці канец расейскай агрэсіі супраць Украіны было выкарыстана рэжымам для знішчэння незалежнага прафсаюзнага руху, - адзначае міжнародны сакратар французскай канфедэрацыі CGT Барыс Плацы. - Абвінавачаныя ў экстрэмізме і тэрарызме, каля 50 прафсаюзных актывістаў сёння знаходзяцца пад вартай і прыгавораны да тэрмінаў ад 1 да 14 гадоў пазбаўлення волі. CGT выказвае сваю салідарнасць і падтрымку БКДП як рэпрэсаваным у Беларусі актывістам, так і ўсім вымушаным пакінуць краіну.
У зваротах прадстаўнікі прафсаюзных аб'яднанняў падкрэсліваюць неабходнасць неадкладнага вызвалення ўсіх палітычных зняволеных, якія знаходзяцца ў прафсаюзах, спыненне пераследу рабочых па палітычных матывах і аднаўленне правоў на свабоду аб'яднанняў.
Падтрымка беларускіх прафсаюзаў і іх лідараў прыходзіць з усіх куткоў свету, аб'ядноўваючы людзей у барацьбе за справядлівасць і дэмакратыю.
Read this text in рус or eng
Comments