8 снежня актывістка прафсаюза СПМ і палітзняволеная Ганна Карнеенка сустрэла свой чарговы дзень нараджэння за кратамі.
Нагадаем, Ганна, былая бухгалтарка Мінскага электратэхнічнага завода імя Вавілава і сябра прафсаюза СПМ, была звольненая пасля «Народнага ўльтыматума» ў 2020 годзе і судзілася з прадпрыемствам па факце незаконнага звальнення. Праз пэўны час стала вядома, што на яе заведзена крымінальная справа.
Жанчыне былі прад'яўлены абвінавачанні па арт. 203-1 г. 3 (незаконныя дзеянні ў адносінах да інфармацыі аб прыватным жыцці і асабістых дадзеных), арт. 130 г. 3 (распальванне расавай, нацыянальнай, рэлігійнай ці іншай сацыяльнай варожасці). Суд прызнаў Ганну вінаватай і прыгаварыў яе да пяці гадоў пазбаўлення волі.
Ганна Карнеенка дададзена ў спіс экстрэмістаў і тэрарыстаў.
У яе дома засталося двое непаўналетніх дзяцей.
Падтрымаць палітзняволеную можна лістамі на адрас: ВК №4 246035, г. Гомель, вул. Антошкіна, 3.
Читать этот текст по-русски
Comments